Vinstri grænir fræða nemendur í verkfalli

Ungliðahreyfing Vinstri grænna mun bjóða upp á fyrirlestra fyrir framhaldsskólanemendur vegna kennaraverkfallsins sem er nú hafið.

Meðal þess sem nemendur verða fræddir um eru umhverfismál, feminismi og mannréttindi.

Fyrirlestrarnir verða klukkan 13 alla virka daga á meðan verkfall stendur yfir. Í fréttatilkynningu frá Vinstri grænum kemur fram að tilgangurinn sé að vekja áhuga framhaldsskólanema á stjórnmálum og veita þeim sem hafa áhuga vettvang til þess að ræða stjórnmál.

Í þessari viku verða eftirfarandi fyrirlestrar haldnir klukkan 13, að Suðurgötu 3:

Mánudagur 17. mars – Af hverju er verkfall?

Þriðjudagur 18. mars – Innri friður, ytri friður

Miðvikudagur 19. mars – Umhverfið og þú

Fimmtudagur 20. mars – Ungt fólk og þátttaka

Föstudagur 21. mars – Feminismi og mannréttindi