Hóta hungurverkfalli vegna flugvélahvarfsins

Haukur Viðar Alfreðsson skrifar 18. mars 2014 13:49

Fjölskyldur farþeganna létu reiði sína í ljós á fundi með Malaysia Airlines í Peking. vísir/ap

Aðstandendur kínverskra farþega malasísku farþegaþotunnar sem saknað hefur verið frá því 8. mars hafa hótað því að fara í hungurverkfall fái þau ekki nánari upplýsingar um hvarfið frá yfirvöldum í Malasíu.

Fjölskyldur farþeganna létu reiði sína í ljós á fundi með Malaysia Airlines í Peking, en þau telja yfirvöld í Malasíu liggja á upplýsingum. „Við viljum heyra sannleikann,“ sagði einn aðstandendanna á fundinum. „Ekki láta farþegana verða fórnarlömb pólitískra deilna.“

Alls voru 153 kínverskir ríkisborgarar um borð í vélinni en hún var á leið frá Kúala Lúmpúr til Peking þegar hún hvarf af ratsjá. Kínverskir fjölmiðlar hafa gagnrýnt rannsókn malasískra yfirvalda.

Flugvélahvarf MH370

Tengdar fréttir

Myndir af fljótandi hlutum í Suður-Kínahafinu

Myndir úr gervitunglum, sem sýna hugsanlegt brak úr farþegaflugvél Malaysia Airlines, hafa verið birtar á vefsíðu kínverskra yfirvalda.

12. mars 2014 23:40

Utanríkisráðherra Malasíu: „Pólitík skiptir ekki máli“

Yfirvöld í Malasíu héldu blaðamannafund í Kúala Lúmpúr í morgun vegna týndu farþegaþotunnar.

18. mars 2014 10:16

Vísbendingar um að vélin hafi snúið við

Nú er leitað á Indlandshafi að týndri farþegavél Malaysia Airlines.

14. mars 2014 13:13

Yfirvöld í Malasíu hvött til að herða leitina

Enn bólar ekkert á farþegavél Malaysia Airlines sem hvarf á laugardag.

10. mars 2014 14:14

Dularfullt hvarf farþegaflugvélar

Þegar flug MH370 hjá Malaysia Airlines hvarf af ratsjá í góðu veðri síðastliðið laugardagskvöld gat enginn útskýrt hvernig þessi Boeing 777-farþegaflugvél gat horfið að því er virtist upp úr þurru. Síðan þá hafa misvísandi upplýsingar og alls kyns kenningar verið í gangi um hvarfið án þess að nein sönnunargögn hafi komið fram. Hvað sem því líður þá er þessi þota með 239 manneskjur um borð enn ófundin

15. mars 2014 07:00