Jordan og frú eignuðust tvíbura

Besti körfuboltamaður allra tíma, Michael Jordan, er orðinn fimm barna faðir en eiginkona hans fæddi tvíbura um síðustu helgi.

Nánar tiltekið eineggja stelpur. Hinn 51 árs gamli Jordan giftist hinni 35 ára Yvette Prieti í apríl á síðasta ári og þetta eru fyrstu börn hjónakornanna. Öllum heilsast vel.

Fyrir á Jordan þrjú börn með fyrrverandi eiginkonu sinni, Juanita Vanoy.

Jordan vann sex NBA-meistaratitla á glæstum ferli og var fimm sinnum valinn besti leikmaður deildarinnar.