Ísland byrjar á lærisveinum Patreks

Ísland hefur leik gegn Austurríki í milliriðlakeppninni á Evrópumeistaramótinu í Danmörku á laugardaginn. Patrekur Jóhannesson, þjálfari Hauka, stýrir austurríska liðinu.

Ísland endaði í öðru sæti B-riðils eftir að liðið tapaði fyrir Spáni í dag. Liðið leikur svo gegn Makedóníu á mánudag og heimamönnum í Danmörku á miðvikudaginn.

Tvö efstu liðin í milliriðlakeppninni komast áfram í undanúrslit keppninnar. Danmörk og Spánn standa þar vel að vígi enda fara bæði lið áfram með fjögur stig úr sínum riðlum.

Leiktímar liggja ekki fyrir en þeir verða birtir síðar í kvöld.

Leikirnir:

Laugardagur:

Austurríki - Ísland

Makedónía - Ungverjaland

Danmörk - Spánn

Mánudagur:

Austurríki - Spánn

Danmörk - Ungverjaland

Makedónía - Ísland

Miðvikudagur:

Danmörk - Ísland

Makedónía - Spánn

Austurríki - Ungverjaland

Staðan í milliriðlinum:

Spánn 4 stig (+12 í markatölu)

Danmörk 4 (+12)

Makedónía 2 (-7)

Ísland 1 (-5)

Ungverjaland 1 (-7)

Austurríki 0 (-5)