Ribery bestur í Þýskalandi

Frakkinn Franck Ribery átti frábært ár með Bayern München og það kom því engum á óvart að hann skildi hafa verið valinn besti leikmaður þýsku Bundesligunnar.

Bayern vann allt sem hægt var að vinna á árinu með Ribery fremstan í flokki. Hann var valinn besti leikmaður Meistaradeildarinnar og Evrópu.

Hann er einnig einn af þremur leikmönnum sem kemur til greina sem besti knattspyrnumaður heims.

Ribery er búinn að skora 18 mörk og gefa 20 stoðsendingar í 44 leikjum á árinu.