Grindvíkingar halda áfram að styrkja sig

Grindavíkingar halda áfram að styrkja lið sitt í kvennakörfunni en Ingibjörg Jakobsdóttir er á leiðinni til félagsins á nýjan leik en frá þessu greinir karfan.is.

Ingibjörg er annar leikmaðurinn á stuttum tíma sem fer frá Keflavík yfir í Grindavík en Pálína Gunnlaugsdóttir gerði slíkt hið sama á dögunum.

Leikmaðurinn er uppalin hjá Grindavík og er því komin heim. Leikmaðurinn hefur stundum átt í töluverðum vandræðum með meiðsli á sínum ferli.

Jón Halldór Eðvaldsson tók við liðinu í maí en hann þjálfaði áður Keflavík og ætlar sér greinilega stóra hluti með liðið.