Nesfrakt festir kaup á Austurfrakt

Nesfrakt ehf var að kaupa rekstur flutningafyrirtækisins Austurfrakt af hjónunum Brynjólfi Viðari Júlíussyni og Svönu Hansdóttur.

Í tilkynningu segir að Austurfrakt hefur verið með vöruflutninga á milli Austurlands og Reykjavíkur tvisvar í viku undafarin ár en Nesfrakt hefur séð um vörumóttöku fyrir Austurfrakt í Reykjavík frá árinu 2009.

Með kaupunum styrkir Nesfrakt leiðarkerfi sitt með daglegum ferðum á Austurland og reglulegum ferðum frá Austurlandi á Akureyri og nærsvæði, að því er segir í tilkynningunni.