Ég elska þig Sigurður Árni Þórðarson skrifar 24. desember 2012 06:00 Hvað verður í pakkanum þínum, já, öllum pökkum kvöldsins? Verða einhverjar skyldugjafir – án hjartahlýju? Færðu kannski pakka sem kosta lítið en snerta þig þó samt djúpt af því þeir tjá ást? Pakkar eru mismunandi og gildi þeirra líka. Hvað skiptir þig mestu máli í lífinu? Hugsaðu um hvað þú mátt missa. Eru það hlutirnir þínir og vinnan eða er það fólkið þitt? Hvað er það sem þú getur alls ekki án verið? Ég sperri eyru þegar fólk á krossgötum lífsins – og stundum við ævilok – gerir upp stóru málin. Það sem skiptir máli þegar allt og dýpst er skoðað er lifandi fólk, maki, börn, ástvinir – ekki dótið. Oft er stærsta sorg fólks við ævilok að hafa ekki haft meira næði til að vera með ástvinunum. Ungir drengir mínir hafa stundum skrifað okkur foreldrunum kort og bréf. Þar eru áhrifaríkar tilkynningar með stórum og barnslegum stöfum: „Pappi er bestur" eða „Mamma er best í heiminum." Þessi bréf eru ekki hlutlægar lýsingar heldur tjá frekar tengsl og tilfinningar. Við sem fáum svona ástarbréf fögnum þeim. Á snepli, sem ég geymi sem merkilegasta plagg heimsins, stendur. „Ég elska þig, pabbi." Þessi setning varðar lífshamingju mína. Það er þetta sem skiptir öllu máli. Það er undur að fá að elska og vera elskaður. Það sker úr um líf og hamingju. Miði drengsins myndi ekki vera metinn til margra króna en er mér samt óendanlega dýrmætur. Hverju leyfum við að komast að okkur? Erum við til í að opna tilfinningapakkann líka? Jólaboðskapurinn er ekki fyrst og fremst um meyjarfæðingu, vitringa, englaskara eða að Jesús fæddist í Betlehem. Allt þetta kemur við sögu, en þau mál eru meira rammi en meginmál. Aðferð helgisögunnar er að nota stef, ímyndir og minni sem þjóna boðskap eða skilaboðum þeirrar sögu. Til að taka eftir hinu guðlega megum við alveg skræla burt það sem ekki hefur lengur skiljanlega skírskotun. Helgisögur eigum við ekki að taka bókstaflega heldur alvarlega. Um hvað er þá jólaboðskapurinn? Að Guð elskar ákaft og persónulega. Tilveran er ekki til dauða heldur er nóttin rofin gráti þess barns sem er merkingarvaki allrar veraldar. Guð elskar ákaft og tjáir þér á öllum stundum lífsins, með börnum, í makafangi og alls staðar: „Ég elska þig." Horfðu svo í augu fólksins þíns og sjáðu í þeim ást og undur lífsins. Gleðileg jól Viltu birta grein á Vísi? Sendu okkur póst. Senda grein Sr. Sigurður Árni Þórðarson Mest lesið Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun Við fylgjum þér frá getnaði til grafar Benedikt S. Benediktsson Skoðun Ef þið bara hefðuð séð heiminn út frá mínum augum: Börn & ADHD Stefán Þorri Helgason Skoðun Konur á örorku Sigríður Ingibjörg Ingadóttir,Steinunn Bragadóttir Skoðun Börn í meðferð eiga rétt á fagfólki orð duga ekki lengur! Steindór Þórarinsson Skoðun Ekki sama hvaðan gott kemur Magnea Gná Jóhannsdóttir Skoðun Greindarskerðing eða ofurgáfur með gervigreind Björgmundur Örn Guðmundsson Skoðun Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun 112. liðurinn í aðgerðaáætlun í menntamálum? Ingólfur Ásgeir Jóhannesson Skoðun
Hvað verður í pakkanum þínum, já, öllum pökkum kvöldsins? Verða einhverjar skyldugjafir – án hjartahlýju? Færðu kannski pakka sem kosta lítið en snerta þig þó samt djúpt af því þeir tjá ást? Pakkar eru mismunandi og gildi þeirra líka. Hvað skiptir þig mestu máli í lífinu? Hugsaðu um hvað þú mátt missa. Eru það hlutirnir þínir og vinnan eða er það fólkið þitt? Hvað er það sem þú getur alls ekki án verið? Ég sperri eyru þegar fólk á krossgötum lífsins – og stundum við ævilok – gerir upp stóru málin. Það sem skiptir máli þegar allt og dýpst er skoðað er lifandi fólk, maki, börn, ástvinir – ekki dótið. Oft er stærsta sorg fólks við ævilok að hafa ekki haft meira næði til að vera með ástvinunum. Ungir drengir mínir hafa stundum skrifað okkur foreldrunum kort og bréf. Þar eru áhrifaríkar tilkynningar með stórum og barnslegum stöfum: „Pappi er bestur" eða „Mamma er best í heiminum." Þessi bréf eru ekki hlutlægar lýsingar heldur tjá frekar tengsl og tilfinningar. Við sem fáum svona ástarbréf fögnum þeim. Á snepli, sem ég geymi sem merkilegasta plagg heimsins, stendur. „Ég elska þig, pabbi." Þessi setning varðar lífshamingju mína. Það er þetta sem skiptir öllu máli. Það er undur að fá að elska og vera elskaður. Það sker úr um líf og hamingju. Miði drengsins myndi ekki vera metinn til margra króna en er mér samt óendanlega dýrmætur. Hverju leyfum við að komast að okkur? Erum við til í að opna tilfinningapakkann líka? Jólaboðskapurinn er ekki fyrst og fremst um meyjarfæðingu, vitringa, englaskara eða að Jesús fæddist í Betlehem. Allt þetta kemur við sögu, en þau mál eru meira rammi en meginmál. Aðferð helgisögunnar er að nota stef, ímyndir og minni sem þjóna boðskap eða skilaboðum þeirrar sögu. Til að taka eftir hinu guðlega megum við alveg skræla burt það sem ekki hefur lengur skiljanlega skírskotun. Helgisögur eigum við ekki að taka bókstaflega heldur alvarlega. Um hvað er þá jólaboðskapurinn? Að Guð elskar ákaft og persónulega. Tilveran er ekki til dauða heldur er nóttin rofin gráti þess barns sem er merkingarvaki allrar veraldar. Guð elskar ákaft og tjáir þér á öllum stundum lífsins, með börnum, í makafangi og alls staðar: „Ég elska þig." Horfðu svo í augu fólksins þíns og sjáðu í þeim ást og undur lífsins. Gleðileg jól
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun
Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun
Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun