Mest lesnu íþróttafréttir ársins 2012

Lesendur Vísis kunna vel að meta afreksmanninn Gunnar Nelson en frétt af bardaga hans gegn Alexander Butenko í febrúar á þessu ári er mest lesna íþróttafréttina á Vísi árið 2012. Fréttir af gangi mála í ensku úrvalsdeildinni í knattspyrnu eru einnig ofarlega í huga lesenda Vísis en bein lýsing frá leikjum sem fram fóru þann 29. september er næst mest lesna íþróttafrétt ársins.

Í þriðja sæti er Boltavakt Vísis þar sem að leikur Íslands gegn Síle í undankeppni fyrir Ólympíuleikana í London var á dagskrá. Boltavakt Vísis er áberandi á lista yfir mest lesnu fréttirnar á íþróttahluta Vísis árið 2012.

Hér að neðan má sjá tíu mest lesnu íþróttafréttir ársins 2012:

1. Gunnar kláraði Butenko í fyrstu lotu

Mest lesna íþróttafrétt ársins 2012 á Vísi var umfjöllun um bardagamanninn Gunnar Nelsonn en það tók hann aðeins fjóra og hálfa mínútu, að leggja Alexander Butenko af velli. Gunnar hafði Butenko með armlás strax í fyrstu lotu.

Miðstöð Boltavaktarinnar | Enska úrvalsdeildin

Fréttir af gangi mála í ensku úrvalsdeildinni í knattspyrnu eru einnig ofarlega í huga lesenda Vísis en bein lýsing frá leikjum sem fram fóru þann 29. september er næst mest lesna íþróttafrétt ársins. Vísir er með Boltavaktarmiðstöð frá helstu íþróttaviðburðum og þar geta lesendur fengið upplýsingar um gang mála í mörgum leikjum í rauntíma.

Umfjöllun: Ísland - Síle 25-17 | Skylduverki lokið

Boltavakt Vísis kemur einnig við sögu í þriðju mest lesnu íþróttafrétt ársins 2012. Þar var um að ræða leik karlalandsliðs Íslands í handbolta gegn Síle í undankeppni fyrir Ólympíuleikana í London var á dagskrá.

Einar sá rautt: Dómararnir voru stórkostlegir | myndband

Fjórða mest lesna íþróttafrétt ársins á Vísi er viðtal sem tekið var við Einar Jónsson þjálfara handboltaliðs Fram eftir tapleik gegn Aftureldingu í N1-deild karla. „Það er auðvitað hrikalega leiðinlegt að tapa leikjum á heimavelli," sagði Einar. m.a í viðtalinu en dómarar leiksins fengu sinn skammt af kaldhæðni Einars í þessu viðtali.„Dómgæslan var frábær og sjaldan séð jafn stórkostlega frammistöðu, þeir báru af hér á vellinum. Þessir menn hljóta að fara dæma í final four í Champions League," sagði Einar.













Gunnar: Mjög líklegt að ég fari í stærri keppnir

Gunnar Nelson tjáði sig um bardagann gegn Alexander Butenko sem fram fór í Dublin á Írlandi í febrúar á þessu ári. Viðtalið við Gunnar var fimmta mest lesna íþróttafrétt ársins á Vísi.





Leik lokið: Ísland - Ungverjaland 33-34 | Draumurinn úti

Leikur Íslands og Ungverjalands í átta liða úrslitum á Ólympíuleikunum vakti gríðarlega athygli. Bein lýsing frá leiknum á Boltavakt Vísis og umfjöllun ásamt viðtölum og myndum var í sjötta sæti yfir mest lesnu íþróttafréttir ársins 2012 á Vísi.







Adolf Ingi fór í kappát við Didier Dinart

Franska varnartröllið Didier Dinart hefur reynst íslenska handboltalandsliðinu erfiður í gegnum tíðina enda er hann einn sá allra besti í faginu. Dinart hélt upp á 35 ára afmæli sitt á Evrópumeistaramótinu í Serbíu og þar tók Adolf Ingi Erlingsson viðtal við franska landsliðsmanninn fyrir sjónvarpsvef EHF. Viðtalið vakti athygli og skipar það áttunda sætið yfir mest lesnu íþróttafréttir ársins 2012 á Vísi.

Ólafur: Ég verð að lifa með þessu

Ólafur Stefánsson, fyrirliði íslenska karlalandsliðsins í handbolta, leyndi ekki vonbrigðum sínum eftir að Ísland féll úr leik á Ólympíuleikunum í London. Ólafur, sem var nýorðinn 39 ára gamall, hafði gefið allt sitt í Ólympíuleikana og markmiðið var að gera betur en á leikunum í Peking árið 2008. Viðtal við Ólaf eftir tapleikinn sem Eiríkur Stefán Ásgeirsson tók á ÓL í London var í níunda sæti yfir mest lesnu íþróttafréttirnar á Vísi.







Gunnar: Hann var fljótur að stífna upp | Myndasyrpa frá bardaganumGunnar Nelson og Alexander Butenko koma enn og aftur við sögu þegar mest lesnu íþróttafréttirnar á Vísi árið 2012 eru teknar saman. Myndasyrpa frá bardaga þeirra í febrúar er í 10. sæti á þeim lista og myndirnar segja allt sem segja þarf.



Mest lesnu íþróttafréttirnar á Vísi - sæti 11.20. 11. Unnustinn réðst á Solo degi fyrir brúðkaupið

12. Drillo: Rangstöðumarkið átti að standa

13: Fernandez: Ísland og Króatía með bestu liðin í dag

14: Glæsimark Eiðs Smára | Myndband

15: Gunnar Nelson kláraði Johnson í fyrstu lotu

16: Eitt flottasta handboltamark sem sést hefur - myndband

17: Umfangsmesta lyfjasvindl sögunnar | Armstrong gjörspilltur

18: Norskur dómari: Skil dönsku dómarana mjög vel

19: Guðjón Þórðar um Gylfa: Fer í eitt af stóru liðunum

20: Leik lokið: Ragna úr leik eftir hetjulega baráttu