Iceland Foods ræður nýjan viðskiptastjóra

Breska verslunarkeðjan Iceland Foods hefur ráðið fyrrverandi sölustjóra Aldi, Paul Foley, sem alþjóðlegan viðskiptastjóra fyrirtækisins. Foley mun sjá um útflutningsþjónustu Iceland Foods, ITEX, ásamt því að hafa umsjá með verslunum fyrirtækisins í Tékklandi.

Foley hóf feril sinn sem verslunarstjóri hjá verslunarkeðjunni Bejam árið 1976. Iceland Foods keypti síðan Bejam árið 1989 og stuttu seinna yfirgaf Foley fyrirtækið. Hann hóf sjálfstæðan rekstur í Rússlandi, Úkraínu og Tékklandi.