Öruggt hjá ÍBV á Selfossi

ÍBV gerði góða ferð á Selfoss í Pepsí deild kvenna í kvöld þar sem liðið vann öruggan 6-0 sigur. ÍBV komst þar með upp í 31 stig og tímabundið a.m.k. í annað sæti deildarinnar. Selfoss er sem fyrr í 7. sæti með 13 stig.

ÍBV skoraði aðeins tvö mörk í fyrri hálfleik, Kristín Erna Sigurlásdóttir á 12. mínútu og Shaneka Jodian Gordon á 33. mínútu en allar flóðgáttir opnuðust í seinni hálfleik.

Vesna Smiljkovic skoraði þrennu, á 49., 61., og 70., mínútu en auk þess skoraði Sigríður Lára Garðarsdóttir á 64. mínútu. Öruggur sigur ÍBV staðreynd og ljóst að liðið gefst ekki upp í baráttunni um annað sætið.

Stjarnan getur náð öðru sætinu á ný sigri liðið Breiðablik í kvöld.