Forsvarsmenn Samsung ætla að grípa til varna

Forsvarsmenn tæknirisans Samsung ætla að grípa til varna og gera „allt sem hægt er til þess að verja fyrirtækið", að því er segir í minnisblaði sem stjórn Samsung sendi starfsmönnum fyrirtækisins fyrr í dag.

Eins og greint hefur verið frá var Samsung dæmt af bandarískum dómstóli til þess að greiða einn milljarð dala í sekt, jafnvirði um 120 milljarða króna, fyrir að hafa nýtt sér höfundarréttarvarinn hugbúnað í Galaxy síma, sem Apple nýtir í iphone síma sína.

Niðurstöðunni verður áfrýjað, og segjast forsvarsmenn Samsung fullvissir um að markaðurinn og viðskiptavinir muni standa með fyrirtækinu „líkt og hingað til".

Samkeppnin á snjallsímamarkaði í heiminum er gríðarlega hörð, þá helst á milli Apple og Samsung. Vöxturinn í sölu hefur verið ævintýri líkastur, en sem dæmi um hvernig salan á símtækjum fyrirtækjanna hefur verið, má nefna að Samsung seldi meira en 40 milljónir Galaxy síma á fyrsta ársfjórðungi ársins 2012, sem þýðir um 480 þúsund síma á hverjum degi.

Sjá má umfjöllun breska ríkisútvarpsins BBC hér, um minnisblað stjórnar Samsung, hér.