Meiri samdráttur í Bretlandi en áður var talið

Samdrátturinn í efnahagslífi Bretlands er meiri en áður var talið. Landsframleiðsla Breta dróst saman um 0,7% á öðrum ársfjórðungi ársins miðað við þann fyrsta.

Þar með hefur landsframleiðslan á Bretlandi dregist saman þrjá ársfjórðunga í röð og telst landið því vera í kreppu. Sérfræðingar reiknuðu með að landsframleiðslan myndi aðeins dragast saman um 0,2% á öðrum ársfjórðungi.

Á síðustu 12 mánuðum hefur landsframleiðslan í Bretlandi dregist saman um 0,8% en spár gerðu ráð fyrir 0,3% samdrætti. Ekki ríkir mikil bjartsýni um að staðan batni á yfirstandi ársfjórðungi, að því er segir á vefsíðu börsen.