Enn eitt gott uppgjör hjá Nordea

Stórbankinn Nordea er sá banki á Norðurlöndunum sem hvað best hefur siglt í gegnum fjármálakreppuna.

Bankinn skilaði enn einu góðu uppgjöri í morgun yfir annan ársfjórðung ársins. Hreinn hagnaður bankans reyndist tæplega 1,5 milljarðar evra sem var nokkuð yfir væntingum sérfræðinga. Þetta er 9% meiri hagnaður en á sama tímabili í fyrra og hann náðist þrátt fyrir að afskriftir bankans hafi aukist nokkuð frá fyrra ári.