Argentínumenn hóta olíufélögum málaferlum

Enn versna samskiptin milli Argentínu og Bretlands vegna Falklandseyja en stjórnvöld í Argentínu hafa hótað því að hefja alþjóðlegar málssóknir gegn öllum þeim félögum sem hyggjast vinna olíu við Falklandseyjar.

Bretar hafa svarað þessu með því að segja þetta vera ólöglegar hótanir af hálfu Argentínumanna.

Nokkur bresk félög stunda nú olíuleit við Falklandseyjar en þar hafa fundist vísbendingar um að gríðarlegt magn af olíu sé að finna. Argentínumenn telja að þessi olía tilheyri sér en ekki Falklandseyjabúum.