Íþróttafréttamenn Fréttablaðsins og Vísis með nýjan þátt á X-inu

Íþróttafréttamennirnir hjá Fréttablaðinu og Vísi verða með boltaþátt einu sinni í viku á X-inu þar sem fjallað verður um stærstu boltagreinarnar og fer fyrsti þátturinn í loftið klukkan 11.00 í dag.

Þeir Henry Birgir Gunnarsson og Eiríkur Stefán Ásgeirsson eru í loftinu á milli 11 og 12 í dag og verða gestir þeirra í dag umboðsmaðurinn Magnús Agnar Magnússon og fréttamaðurinn Andri Ólafsson.

Þeir félagar munu ræða fótbolta og amerískan fótbolta við þá Henry og Eirík en félagsskiptaglugginn lokaði í vikunni og framundan er Super Bowl leikurinn í ameríska fótboltanum.

Það er hægt að hlusta á þáttinn í beinni á netinu með því að smella hér.