Gjaldþrot Grikklands virðist óumflýjanlegt

Gjaldþrot Grikklands virðist óumflýjanlegt en stjórnarflokkar landsins náðu ekki samkomulag um helgina um þær aðgerðir sem nauðsynlegar eru til þess að landið fái nýtt neyðarlán upp á 130 milljarða evra frá Alþjóðagjaldeyrissjóðnum og Evrópusambandinu.

Fáist þetta lán ekki mun Grikkland lenda í greiðslufalli með skuldabréf sín í næsta mánuði. Kröfuhöfum Grikklands finnst að stjórnvöld þar hafi dregið lappirnar við að koma á nauðsynlegum niðurskurði og hagræðingu í ríkisrekstrinum. Án þeirra aðgerða fá Grikkir ekki neyðarlánið.

Það flækir málið að þingkosningar eru framundan í vor og raunar hafa ráðherrar í ríkisstjórn Grikklands verið ásakaðir um að hugsa meira um kosningarnar en þau verkefni sem þarf að takast á við.