Gomez fer alltaf á salernið lengst til vinstri

Þýski framherjinn Mario Gomez hjá Bayern Munchen átti ótrúlegt ár þar sem hann skoraði 50 mörk fyrir Bayern og þýska landsliðið. Hann er með eitt mark að meðaltali í leik í Meistaradeildinni og næstum með sama meðaltal í deildinni þar sem hann hefur skorað 16 mörk í 17 leikjum.

Hjátrúin skipar nokkuð stóran sess í undirbúningi Gomez fyrir leiki.

"Ég fer alltaf í vinstri skóinn fyrst og nota alltaf salernið lengst til vinstri. Þetta eru hlutir sem ég er farinn að gera náttúrulega en pæli ekkert sérstaklega í," sagði Gomez.