Statoil: Nýr stór olíufundur í Barentshafi

Norska olíufélagið Statoil hefur tilkynnt um stórann nýjan olíufund í Barentshafi.

Borpallurinn Aker Barents er kominn niður á olíulag á svokölluð Havis svæði þar sem talið er að vinna megi 200 til 300 milljónir tunna af olíu. Áður höfðu fundist olíulindir á þessu svæði og nærliggjandi svæði, sem kallað er Skrugard, sem taldar eru gefa af sér á milli 400 og 600 milljónir tunna af olíu.

Statoil hefur átt samvinnu við félögin Eni Norge og Petoro um olíuleitina í Barentshafi en reiknað er með að svæðið verði hornsteinninn í frekari olíuvinnslu Norðmanna á komandi árum.