Nikita sækir á nýja markaði

Stofnandi íslenska fyrirtækisins Nikita hefur ákveðið að stækka við sig og sækja á nýja markaði þrátt fyrir að fjölmargir samkeppnisaðilar hafi neyðst til að loka búðum sínum víða um heim í kjölfar efnahagsþrenginga.

Aðalheiður Birgisdóttir sem stofnaði fyrirtækið Nikita fyrir ellefu árum og stýrir nú er gestur í nýjasta þætti klinksins á Vísi. Fyrirtækið framleiðir snjóbretta og tískufatnað en þar starfa 35, þar af 8 í hönnun, vöruþróun og framleiðslu.

Fyrirtækið hefur verið mjög öflugt innan Evrópu sem og í Japan og Ástralíu en Heiða segir að nú sé kominn tími á að færa út kvíarnar enn frekar þrátt fyrir að þrengingar á alþjóðamörkuðum hafi haft áhrif á þann geira sem Nikita starfar innan.