Framarar unnu sextán marka sigur á Val

Fram er komið áfram í átta liða úrslit Eimskipsbikar karla eftir sextán marka sigur á Val 2, 40-24, í Vodafone-höllinni í dag. Fram hafði slegið Hauka 2 út í 32 liða úrslitunum.

Einar Rafn Eiðsson skoraði 10 mörk fyrir Framliðið í dag en Fram var bara með fimm marka forskot í hálfleik, 16-11.

Fannar Þorbjörnsson og Einar Örn Jónsson fóru fyrir Valsliðnu og voru saman með sextán mörk. Fannar skoraði 9 og Einar Örn var með 7 mörk. Boris Akbachev stýrði Valsliðinu í leiknum.



Valur 2 - Fram 24-40 (11-16)

Mörk Vals 2: Fannar Þorbjörnsson 9, Einar Örn Jónsson 7, Ólafur E. Ómarsson 4, Davíð Höskuldsson 1, Ásbjörn Stefánsson    1, Erlendur Egilsson 1, Ragnar Ægisson 1.

Mörk Fram: Einar Rafn Eiðsson 10, Sigurður Eggertsson 6, Ægir Hrafn Jónsson 5, Róbert Aron Hostert 5, Stefán B. Stefánsson    4, Jóhann Gunnar Einarsson 4, Matthías Daðason 2, Garðar B. Sigurjónsson 2, Sigfús P. Sigfússon 1, Jóhann K. Reynisson    1.