Björgunarsjóður ESB stækkaður

Frakkar og Þjóðverjar hafa náð samkomulagi um að björgunarsjóður fyrir evrusvæðið verði stækkaður upp í tvær trilljónir evra til að takast á við skuldakreppuna í Evrópu. Málið verður rætt á fundi leiðtoga Evrópuríkja um næstu helgi, eftir því sem fullyrt er á fréttavef Guardian.

Guardian segir að þetta sé helsta ástæðan fyrir því að allar helstu hlutabréfavísitölur í Bandaríkjunum hafi hækkað við lokun markaða klukkan átta í kvöld. Markaðir í Bandaríkjunum hafi hingað til verið næmir fyrir fréttum frá Evrópu.