Umfjöllun: Valsmenn unnu þægilegan sigur á Aftureldingu

Valsmenn unnu fínan sigur á lið Aftureldingar, 25-20, í Vodafone-höllinni í kvöld, en gestirnir höfðu eins marks forystu í hálfleik.

Heimamenn tóku öll völd í síðari hálfleik og unnu sannfærandi. Hlynur Morthens átti stórleik og varði 19 skot. Sturla Ásgeirsson var einnig fínn fyrir heimamenn en hann gerði 8 mörk.

Liðin átti nokkuð erfitt með að koma boltanum í netið til að byrja með, en eftir tíu mínútna leik var staðan 3-2 fyrir Aftureldingu.

Hlynur Morthens, markvörður Vals, varði vel í fyrri hálfleiknum en leikmenn Aftureldingar skutu aftur á móti oft á tíðum beint á hann.

Jafnt var nánast á öllum tölum allan hálfleikinn, en gestirnir alltaf einu skrefi á undan. Liðin gerðu fjöldann allan af mistökum í hálfleiknum og það einkenndi fyrstu 30 mínúturnar. Staðan var því 12-11 í hálfleik fyrir Aftureldingu.

Valsmenn hófu síðari hálfleikinn mun betur og gerðu strax þrjú mörk í röð og breyttu stöðunni í 14-12. Eftir það höfðu þeir yfirhöndina í leiknum. Hlynur Morthen hélt áfram uppteknum hætti og varði vel og Valsmenn keyrðu alltaf hratt í bakið á gestunum og skoruðu mörg mörk í kjölfarið.

Leikmenn Aftureldingar voru oft á tíðum óþolinmóðir og tóku stundum rangar ákvarðanir í þeirra sóknaraðgerðum. Valur náði mest 6 marka forystu í stöðunni 23-17 og unnu að lokum þægilegan sigur 25-20.

Valur - Afturelding  25-20 (11-12)

Mörk Vals (skot): Sturla Ásgeirsson 8/2 (9/2), Anton Rúnarsson 6 (12), Finnur Ingi Stefánsson 4 (9), Valdimar Fannar Þórsson 2 (2), Sigfús Sigurðsson 2 (4), Sveinn Aron Sveinsson 1 (1), Atli Báruson 1 (2), Einar Guðmundsson 0 (1), Gunnar Harðarson 0 (3), Magnús Einarsson 0 (1), Agnar Smári Jónsson 0 (2).

Varin skot: Hlynur Morthens  19 (19/3, 50%), Ingvar Kristinn Guðmundsson 0/1 (1 , 50%)

Hraðaupphlaupsmörk: 5 ( Finnur Ingi 3, Sturla og Sveinn Aron)

Fiskuð víti: 2 (Sigfús Sigurðsson 2)

Utan vallar: 6 mínútur

Mörk Aftureldingar (skot): Hilmar Stefánsson  5/3 (7/4), Jóhann Jóhannsson 3 (9/1), Þorlákur Sigurjónsson 3 (4), Eyþór Vestmann 2 (3), Daníel Jónsson 2 (5), Þrándur Gíslason Roth 2 (5), Sverrir Hermannsson 1 (10), Helgi Héðinsson 1 (1), Einar Héðinsson 1 (1), Pétur Júníusson 0 (1).

Varin skot: Davíð Svansson 9 (27, 0%.), Hafþór Einarsson 4(9/2 , 30%.)

Hraðaupphlaup: 3 (Hilmar, Jóhann og Þorlákur)

Fiskuð víti: 5 (Þrándur, Jón Andri, Hilmar, Jóhann og Einar)

Utan vallar: 8 mín