Yfir 100 milljónir nota Twitter

Yfir hundrað milljónir manna um allan heim nota nú Twitter. Dick Costolo, framkvæmdastjóri fyrirtækisins sem rekur vefsíðuna, segir að fjöldi virkra notenda, sem skrái sig inn á síðuna að minnsta kosti einu sinni í mánuði, hafi aukist um 82% á þessu ári. Um helmingur notenda síðunnar notar hana einu sinni á dag eða oftar.  

Costolo sagði jafnframt á blaðamannafundi í dag að verið væri að undirbúa að færa út kvíarnar með starfsemi Twitter og fjölga þannig auglýsingatekjumöguleikum. Costolo segist þó telja að fyrirtækið eigi ekki að fara á markað strax.

Forsvarsmenn Twitter söfnuðu um 400 milljónum dala í áhættu fé í sumar. Það nemur um 46 milljörðum króna.