Lituanica meistari í Sumardeild KKÍ

Lið Lituanica hafði betur gegn Glímufélaginu í úrslitaleik Sumardeildar KKÍ á Sportcourt-vellinum í Garðabæ í gær. Þetta er annað árið í röð sem Lituanica verður meistari í götukörfubolta.

Á heimasíðu KKÍ kemu fram að úrslitaleikurinn hafi verið rosalegur. Lituanica hafi haft sigur á Glímufélaginu 21-17 eftir að hafa lent 4-10 undir í leiknum.

Það setti svartan blett á daginn að þrú af liðunum átta sem leika áttu í átta-liða úrslitum mættu ekki til leiks í dag. Í undanúrslitum lagði Glímufélagið lið Team DC 21-11. Í hinni viðureigninni hafði Lituanica 21-17 sigur á Gullna Erninum.

Mótið fer aftur fram að ári liðnu.