Chavez þjóðnýtir gullnámur Venesúela

Hugo Chavez forseti Venesúela hefur ákveðið að þjóðnýta gullnámur landsins til þess að auka gullforða þess.

Jafnframt ætlar Chavez að flytja aftur til Venesúela um 11 milljarða dollara virði af gulli sem núi liggja í erlendum bönkum og koma því fyrir í seðlabanka landsins.

Samhliða því að tilkynna þetta segir Chavez að Venesúela verði að dreifa meira erlendum fjárfestingum sínum og beina þeim að löndum eins og Kína, Rússlandi, Brasilíu og Suður Afríku. Tími sé kominn til þessa þar sem efnahagur Bandaríkjanna og Evrópu sé að hruni kominn.