Flugumferð raskast verulega í Þýskalandi vegna ösku

Lofthelgi í Norður-Þýskalandi er að lokað vegna öskunnar. Þá verður lofthelginni yfir Berlín og Hannover lokað í dag. Mögulegt er að askan nái alla leið til Póllands.

Yfir fimm hundruð flugum var frestað í Bretlandi í gær vegna ösku frá eldgosinu í Grímsvötnum. Þá hafði askan einnig talsverð áhrif í Noregi. Loka þufti litlum hluta af lofthelgi Danmerkur einnig.

Nú er askan komin langleiðina til Norður-Þýskalands og þegar búið að loka fyrir flugumferð í Bremen og Hamburg. Þá telur evrópska flugumferðastjórnin líklegt að askan muni einnig trufla flug lítillega í Svíþjóð, Noregi og Danmörku.

Þá ætlar flugumferðastjórnin ekki að loka loftehlginni algjörlega í Norðu-Þýskalandi en flugfélög í Bretlandi gagnrýndu lokunina harðlega í gær. Meðal annars sendi Ryanair flugfélagið vélar upp í loftið til þess að kanna áhrif öskunnar.

Þau reyndust engin og vildu forsvarsmenn flugfélagsins meina að lokunin væri ekki byggð á nægjanlega traustum rannsóknum.