Verður 2010 ár Framara í handboltanum?

„Við erum með gott hlutfall eftir áramót. Ég held að 2009 hafi verið slakasta ár hjá Fram frá upphafi. Við vorum á toppnum fyrir jól 2008 og vorum svo skelfilegir allt árið. Eigum við ekki að segja að 2010 verði árið okkar," sagði Magnús Gunnar Erlendsson markmaður Fram í gær.

Orðin lét Magnús falla eftir góðan sigur Framara á Akureyri fyrir norðan. Framarar hafa þar með unnið fjóra af síðustu fimm leikjum í deildinni.

Vísir ákvað að athuga tölfræðina hjá Fram og Magnús hefur að sjálfsögðu rétt fyrir sér.

Tímabilið 2008/2009

Fyrir áramót:

Sigrar: 8

Jafntefli: 1

Töp: 4

Niðurstaða: Á toppi deildarinnar um jólin með 17 stig.

Bikar: Þrír sigurleikir.

Eftir áramót:

Sigrar: 6

Jafntefli: 1

Töp: 6

Niðurstaða: Fjórða sæti í deildinni.

Bikar: Sigur í undanúrslitum bikars en tap fyrir Val í úrslitaleiknum.

Tímabilið 2009/2010:

Fyrir áramót:

Sigrar: 1

Jafntefli: 0

Töp: 8

Niðurstaða: Á botni deildarinnar um jólin.

Bikar: Sigur og tap í bikar, dettur út fyrir Val í átta liða úrslitum.



Eftir áramót:

Sigrar: 4

Jafntefli: 1

Töp: 4

Niðurstaða: Jafnt Stjörnunni á botni deildarinnar, með 11 stig eftir 18 leiki.