Hornamenn ÍBV fóru á kostum í Eyjum

Hornamennirnir Þórsteina Sigurbjörnsdóttir og Guðbjörg Guðmannsdóttir skoruðu saman 18 mörk í kvöld þegar ÍBV tryggði sér sæti í átta liða úrslitum Eimskipsbikars kvenna í handbolta eftir 36-29 sigur á Haukum í Vestmannaeyjum í kvöld.

ÍBV var komið í mjög góða stöðu í hálfleik en liðið vann fyrri hálfleikinn 19-10. Þórsteina skoraði 10 mörk í leiknum en Guðbjörg gerði 8 mörk. Ester Óskarsdóttir lék einnig vel með Eyjaliðinu og skoraði 7 mörk.

Hekla Hannesdóttir skoraði 8 mörk fyrir Hauka og Sandra Sif Sigurjónsdóttir var með 6 mörk.

ÍBV-liðið hefndi með þessu fyrir tap í deildarleik þessa sömu liða á dögunum en Haukar unnu 29-27 sigur í Eyjum þann 23. október síðasliðinn.

ÍBV-Haukar 36-29 (19-10)

Mörk ÍBV: Þórsteina Sigurbjörnsdóttir 10, Guðbjörg Guðmannsdóttir 8, Ester Óskarsdóttir 7, Hildur Dögg Jónsdóttir 4, Renata Kári Horvath 4, Sigríður Lára Garðarsdóttir 1, Aníta Elíasdóttir 1,

Sandra Gísladóttir 1.

Mörk Hauka: Hekla Hannesdóttir 8, Sandra Sif Sigurjónsdóttir 6, Erla Eiríksdóttir 5, Þórunn Friðriksdóttir 3, Elsa Björg Árnadóttir 3, Karen Helga Sigurjónsdóttir 2, Katerina Baumruk 1, Sjöfn Ragnarsdóttir 1.