Topplið Vals mætir Íslandsmeisturum Stjörnunnar

Topplið Vals og Íslandsmeistarar Stjörnunnar drógust saman í undanúrslitum Eimskipsbikars kvenna en dregið var í beinni útsendingu í EM-stofunni í Sjónvarpinu nú rétt áðan.

Fram heimsækir FH í Kaplakrika annað árið í röð í hinum leiknum í undanúrslitunum en FH sló Fram út úr bikarnum í fyrra.

Leikur FH og Fram fer fram 10. febrúar en leikur Vals og Stjörnunnar fer fram 13. eða 14. febrúar. Það þurfti að flýta leik Fram vegna þátttöku liðsins í Evrópukeppninni.

Leikirnir í undanúrslitum eru:

Valur-Stjarnan í Vodafonehöllinni

FH-Fram í Kaplakrika