Geir Sveinsson tekur við Gróttuliðinu

Handknattleiksdeild Gróttu hefur ráðið Geir Sveinsson til að stýra liðinu út yfirstandandi tímabil í N1 deild karla en þetta kom fyrst fram í hádegisfréttum Bylgjunnar..

Eins og fram kom í gær var Halldór Ingólfsson rekinn frá Gróttu í fyrrakvöld eftir að hann hafði tók boði um að þjálfa Hauka í sumar. Verið er að tilkynna leikmönnum Gróttu um ráðninguna á Geir í þessum töluðu orðum.

Grótta er í fallbaráttu í deildinni, liðið er í sjötta sæti, því þriðja neðsta og á sex leiki eftir. Fyrsti leikur Gróttu undir stjórn Geirs verður gegn Haukum á fimmtudaginn.