Hreggviður: Við vorum latir

„Það sem vantaði upp hjá okkur var varnarleikurinn og svo vorum við latir að hlaupa til baka. Þeir refsuðu okkur strax í öðrum leikhluta en fyrsti leikhlutinn gekk vel hjá okkur. Við mættum ferskir til leiks en andleysið kom upp í öðrum leikhluta," sagði ÍR-ingurinn Hreggviður Magnússon eftir tapið gegn KR í kvöld.

KR komið yfir í rimmunni, 1-0, og getur komist áfram með sigri í næsta leik liðanna á sunnudag.

„Við höfðum alveg trú á þessu en við vorum aftur á móti latir á meðan þeir voru duglegir að keyra upp hraðann. Þeir hittu líka vel því við vorum ekki að spila nægilega góða vörn. Það var munurinn hérna í dag. Við mætum dýrvitlausir til næsta leiks. Ég get alveg lofað því."