Eyjafjallajökull: Drunurnar heyrast víða um land

Veðurskyrðin sem verið hafa á landinu undanfarna daga og rakinn í loftinu virðast hafa gert það að verkum að drunurnar úr Eyjafjallajökli hafa borist mun víðar en áður. Í tilkynningu frá Almannavörnum segir að fólk hafi haft samband frá Vesturlandi, Suðurlandi og frá Mýrum og sagt frá drununum.

„Samkvæmt upplýsingum frá Veðurstofunni eru drunurnar líklega frá Eyjafjallajökli og berast svona langt vegna veðurskilyrða og raka í andrúmsloftinu," segir í tilkynningu frá Almannavörnum og því bætt við að verið sé að kanna málið frekar.