Böðvar Guðjónsson: Hjálpar KR að vera meðal þeirra bestu

Böðvar Guðjónsson, formaður körfuknattleiksdeildar KR var ánægður með nýja liðstyrkinn en Pavel Ermolinski mun spila með KR-liðinu út tímabilið. Það má finna viðtal við Böðvar á heimasíðu KR í dag.

„Pavel er að koma á lánssamningi frá Careas og verður út tímabilið. Þetta styrkir KR augljóslega og hjálpar KR að vera meðal þeirra bestu. Hann er sterkur leikmaður með mikinn leikskilning og mun hjálpa okkur á báðum endum vallarins," sagði Böðvar í viðtalinu.

KR-ingar sitja einir á toppi Iceland Express deildar karla eftir 31 stigs sigur á Tindastól í gær. Liðið hefur unnið 12 af 14 deildarleikjum sínum á tímabilinu en næstu leikir liðsins eru á móti Grindavík og Njarðvík.