Í tíunda skipti sem handboltamaður er Íþróttamaður ársins

Handboltamaður var í kvöld kosinn Íþróttamaður ársins í tíunda skiptið í 54 ára sögu kjörs Samtaka Íþróttafréttamanna. Nýkrýndur Íþróttamaður ársins, Ólafur Stefánsson, var að hljóta þessi verðlaun í fjórða skiptið á ferlinum og er eini handboltamaðurinn sem hefur hlotið þau oftar en einu sinni.

Handboltamenn hafa nú verið kosnir Íþróttamenn ársins þrisvar sinnum á síðustu fjórum árum og alls fimm sinnum á áratugnum.

Frjálsíþróttamenn hafa oftast verið kosnir Íþróttamenn ársins eða 21 sinni en handbolti er aðeins önnur íþróttagreinin í sögu kjörsins sem brýtur tuginn.

Handboltamenn sem hafa verið kosnir Íþróttamenn ársins:

1964 Sigríður Sigurðardóttir, Val

1968 Geir Hallsteinsson, FH

1971 Hjalti Einarsson, FH

1989 Alfreð Gíslason, Bidasoa

1997 Geir Sveinsson, Montpellier

2002 Ólafur Stefánsson, Magdeburg

2003 Ólafur Stefánsson, Magdeburg/Ciudad Real

2006 Guðjón Valur Sigurðsson, Gummersbach

2008 Ólafur Stefánsson, Ciudad Real

2009 Ólafur Stefánsson, Ciudad Real/Rhein Neckar Löwen

Íþróttagreinar með flesta Íþróttamenn ársins 1956-2009:

Frjálsar Íþróttir 21

Handbolti 10

Sund 8

Knattspyrna 8

Kraftlyftingar 3

Þolfimi 1

Körfubolti 1

Júdó 1

Hestaíþróttir 1