Umfjöllun: Valur lagði baráttuglaðar Blikastelpur

Valsstúlkur unnu í kvöld 2-1 sigur á Breiðablik í sannkölluðum toppslag en fyrir þennan leik voru þetta liðin í fyrsta og öðru sæti. Valsstúlkur styrkja því stöðu sína á toppnum á meðan Blikastúlkur færa sig niður í þriðja sæti eftir að Þór/KA sigraði sinn leik.

Valsstúlkur byrjuðu leikinn betur, þær pressuðu hátt og sóttu frá fyrstu mínútu og var það því verðskuldað þegar Kristín Ýr Bjarnadóttir skoraði fyrsta mark leiksins á 15. Mínútu með skalla af fjærstöng eftir góða fyrirgjöf Thelmu Björk Einarsdóttir.

Þetta virkaði hinsvegar eins og vítamínssprauta fyrir Blikastúlkur sem vöknuðu við þetta og fóru að spila flottan fótbolta. Þær sköpuðu sér mörg góð færi en náðu ekki að reka endahnútinn í sóknir þeirra. Það reyndist afar dýrt þegar Valsstúlkur skoruðu aftur á 39. mínútu, þar var að verki Dóra María Lárusdóttir eftir góðan sprett upp vinstri kantinn og lagði boltann snyrtilega framhjá Katherine Loomis í marki Blika.

Seinni hálfleikur hófst eins og sá fyrri endaði, Blikar sóttu og voru betri aðilinn en Valsstúlkur lágu til baka og beittu hættulegum skyndisóknum. Blikar minnkuðu muninn á 65. mínútu en þá skoraði Anna Birna Þorvarðadóttir með skalla af markteig eftir hornspyrnu Gretu Mjöll Samúelsdóttir.

Engin fleiri mörk létu sjá sig en bæði lið fengu þó góð færi til þess, Fanndís Friðriksdóttir og Björk Gunnarsdóttir fengu báðar algjört dauðafæri fyrir sitthvort liðið einar á auðum sjó gegn markmanni en nýttu ekki.

Leikurinn endaði því með sigri Vals og styrkja þær stöðu sína á toppnum með þessu, þær hafa nú svigrúm á toppnum með fjögur stig á liðið í öðru sæti og sex stig á Blikastúlkur í þriðja sæti.

Valur 2 - 1 Breiðablik

1-0 Kristín Ýr Bjarnadóttir (15.)

2-0 Dóra María Lárusdóttir (39.)

2-1 Anna Birna Þorvarðardóttir (65.)

Áhorfendur: 350

Dómari: Einar Örn Daníelsson

Skot (á mark): 11 - 15 (6 - 6)

Varin skot: María Björg 5 - 4 Katherine

Horn: 4 - 5

Aukaspyrnur fengnar: 12 - 11

Rangstöður: 2 - 2

Valur (4-2-3-1)

María Björg Ágústdóttir

Thelma Björk Einarsdóttir

Pála Marie Einarsdóttir

Málfríður Erna Sigurðardóttir

(29. Helga Sjöfn Jóhannesdóttir)

Embla Sigríður Grétarsdóttir

Katrín Jónsdóttir

Dóra María Lárusdóttir

Hallbera Guðný Gísladóttir

Björk Gunnarsdóttir

(90. Thelma Ólafsdóttir)

Andrea Ýr Gústavsdóttir

(76. Katrín Gylfadóttir)

Kristín Ýr Bjarnadóttir

Breiðablik(4-5-1)

Katherine Loomis

Hekla Pálmadóttir

(83. Þórdís Hrönn Sigfúsdóttir)

Anna Birna Þorvarðardóttir

Maura Q Ryan

Sandra Sif Magnúsdóttir

Fanndís Friðriksdóttir

Hlín Gunnlaugsdóttir

Harpa Þorsteinsdóttir

Sara Björk Gunnarsdóttir

Greta Mjöll Samúelsdóttir

(90. Hildur Sif Hauksdóttir)

Berglind Björg Þorvaldsdóttir