Vill ekki einkavæða auðlindir

„Maður heyrir að fólki finnist að sérstaklega núna í kreppunni höfum við ekki efni á að hlífa náttúrunni," segir Björk Guðmundsdóttir tónlistarmaður í aðsendri grein í Fréttablaðinu í dag. Greinin heitir Nýja orkustefnu strax! og hægt er að nálgast hana hér á Vísi.

„En ef við seljum aðgang að auðlindunum og afsölum okkur ábyrgð á náttúrunni erum við um leið að horfa framhjá þeirri leið sem langflestir ráðgjafar hafa ráðlagt okkur að fara: að halda auðlindunum okkar sjálf, að vernda náttúruauðlindir okkar og vera ábyrg í nýtingu þeirra."

Í greininni hvetur Björk fólk til að fjölmenna á málþing í Háskóla Íslands í dag þar sem Magma-málið verður til meðferðar.- pg /