Subway-bikar karla: Stórleikur Njarðvíkur og KR

Í kvöld hefjast 32-liða úrslit í Subway-bikar karla í körfubolta með fjórum leikjum.

Flestra augu munu án nokkurs vafa verða á stórleik Njarðvíkur og KR í Ljónagryfjunni í Njarðvík.

Þetta verður annar leikur liðanna á tæpri viku en liðin áttust einnig við í Njarðvík í Iceland Express-deildinni á sunnudagskvöld þar sem heimamenn fóru með sigur af hólmi. 76-68, eftir jafnan og spennandi leik.

Það var fyrsta tap KR í deildinni í vetur en Njarðvík er enn taplaust þar.

Íslandsmeistarar KR eiga því harma að hefna í kvöld og koma eflaust tvíelfdir til leiks.

Leikir kvöldsins:

Njarðvík-KR kl. 19.15

ÍA-Ármann kl. 19.15

Álftanes-Snæfell kl. 19.15

Laugdælir-Höttur kl. 20.30