Handbolti

Öruggur sigur á Egyptum

Elvar Geir Magnússon skrifar
Björgvin varði 19 skot í dag.
Björgvin varði 19 skot í dag.

Ljóst er að íslenska landsliðið mun leika um þriðja sætið á æfingamótinu í Svíþjóð. Ísland vann öruggan sigur á Egyptalandi í dag 29-17.

Allt annað var að sjá til íslenska liðsins frá því um helgina og mun það leika um bronsverðlaunin á morgun.

Logi Geirsson var markahæstur hjá Íslandi með 11 mörk í dag en Róbert Gunnarsson var með 4 mörk. Björgvin Páll Gústavsson átti magnaðan leik í markinu en fyrir framan hann var varnarleikurinn mjög góður.

Mörk Íslands: Logi Geirsson 11/4, Róbert Gunnarsson 4, Ragnar Óskarsson 3, Þórir Ólafsson 3, Vignir Svavarsson 2, Sturla Ásgeirsson 2, Ásgeir Örn Hallgrímsson 1, Sverre Jakobsson 1, Sigurbergur Sveinsson 1, Rúnar Kárason 1.

Varin skot: Björgvin Páll Gústavsson 19.

Íslenski handboltinn

Mest lesið


Fleiri fréttir

Sjá meira


×

Mest lesið