IE-deild karla: Stórleikur KR og Grindavíkur í kvöld

Þrír leikir fara fram í Iceland Express-deild karla í körfubolta í kvöld þar sem hæst ber slagur KR og Grindavíkur í DHL-höllinni í Vesturbænum.

Þá tekur Keflavík á móti Snæfelli í Toyota-höllinni í Keflavík og Hamar og Tindastóll mætast í íþróttahúsi Hveragerðis.

KR og Grindavík mættust eins og kunnugt er í rosalegri úrslitarimmu á síðasta tímabili þar sem KR-ingar höfðu betur 3-2 og hömpuðu fyrir vikið Íslandsmeistaratitlinum.

Það verður því væntanleg hart barist í kvöld en KR er enn taplaust í deildinni og hefur unnið alla þrjá leiki sína til þessa en Grindvík tapaði fyrsta leik sínum í deildinni á dögunum þegar Njarðvík kom í heimsókn.

Allir þrír leikir kvöldsins hefjast kl. 19.15.

Leikir kvöldsins:

KR-Grindavík

Hamar-Tindastóll

Keflavík-Snæfell