Titilvörn Vesturbæinga hefst í Iðunni

Körufknattleikssamband Íslands er búið að draga í töfluröð í Iceland Express deild karla næsta vetur og birti yfirlit yfir fyrstu tvær umferðirnar á heimasíðu sinni í dag.

Íslandsmeistarar KR hefja leik á útivelli þar sem þeir mæta FSu í Iðunni á Selfossi. Bikarmeistarar Stjörnunnar taka á móti nýliðum Fjölnis í 1. umferð en hinir nýliðarnir í Hamar sækja Snæfellinga heim í Hólminn.

Það verða síðan tveir nágrannaslagir í annarri umferðinni, því þá mætast Reykjavíkurfélögin KR og ÍR annarsvegar og Suðurlandsliðin Hamar og FSu hinsvegar.

Fyrstu umferðirnar:

1. umferð:

Keflavík-Breiðablik

Snæfell-Hamar

FSu-KR

ÍR-Njarðvík

Tindastóll-Grindavík

Stjarnan-Fjölnir

2. umferð:

Njarðvík-Tindastóll

KR-ÍR

Hamar-FSu

Breiðablik-Snæfell

Stjarnan-Keflavík

Fjölnir-Grindavík