Sigurður tilkynnti hópinn fyrir síðari umferð Evrópukeppninnar

Landsliðsþjálfarinn Sigurður Ingimundarson tilkynnti þrettán manna landsliðshóp sinn fyrir seinni umferð b-deildar Evrópukeppninnar sem leikin verður á dögunum 19.-29. ágúst.

Ísland vann einn leik, gegn Danmörku, í fyrri umferðinni og mætir einmitt Dönum í fyrsta leik sínum í seinni umferðinni á miðvikudag í Danmörku.

Svartfellingar eru með algjöra yfirburði í riðlinum en Austurríki, Holland, Ísland og Danmörk munu svo væntanlega berjast um annað sætið sem er umspilssæti.

Sigurður er vongóður um seinni umferðina og segir mikilvægt að byrja af krafti gegn Dönum.

„Við ætlum að eyða miklu púðri í hvern einasta leik og gera allt sem í okkar valdi stendur til þess að ná hagstæðum úrslitum. Það er ef til vill ekki mikill meðbyr með liðinu eftir fyrri umferðina en við höfum ekki allt of miklar áhyggjur af því og vitum að með sigri á miðvikudaginn getur hagur okkar vænkast talsvert í riðlinum," segir Sigurður.

Hópurinn:

Bakverðir:

Magnús Þór Gunnarsson, Njarðvík

Pavel Ermolinskjij, La Palma

Þorleifur Ólafsson, Grindavík

Sveinbjörn Claessen, ÍR

Jón Arnór Stefánsson, Benetton Treviso

Hörður Axel Vilhjálmsson, Keflavík

Logi Gunnarsson, Njarðvík

Framherjar:

Páll Axel Vilbergsson, Grindavík

Helgi Már Magnússon, Solna Vikings

Jóhann Árni Ólafsson, Njarðvík

Miðherjar:

Fannar Ólafsson, KR

Ómar Sævarsson, Grindavík

Sigurður Gunnar Þorsteinsson, Keflavík