Ragnhildur: Vantaði hungrið í okkur

„Auðvitað er alltaf svekkjandi að tapa. Við misstum þær allt of langt fram úr okkur í upphafi síðari hálfleiks. Þá held ég að við höfum rotast og við vöknuðum eiginlega ekkert aftur úr því roti," sagði Ragnhildur Rósa Guðmundsdóttir FH-ingur en hún átti fínan leik í gær og bar af í FH-liðinu.

„Það vantaði bara hungrið í okkur til þess að komast aftur inn í leikinn og ég veit ekki af hverju. Það var kannski líka eitthvað spennufall eftir fínan fyrri hálfleik.

Það var leiðinlegt að geta ekki fylgt eftir fyrri hálfleiknum. Kannski vantaði einhverja trú en margar stelpur hjá okkur voru að fara í þennan leik í fyrsta skipti," sagði Ragnhildur svekkt.