Framkonur komu til baka í seinni hálfleik og fóru í úrslitin

Fram vann 26-24 sigur á Stjörnunni og tryggði sér sæti í úrslitaleik kvenna í Flugfélags Íslands Deildarbikarnum sem fer fram á morgun. Fram mætir Haukum í úrslitaleiknum klukkan 20.00 á morgun.

Stjarnan var sterkari framan af leik og var með fjögurra marka forustu í hálfleik, 16-12. Framliðið átti hinsvegar mikið inni og það sýndu þær í seinni hálfleiknum sem þær unnu 13-8.

Guðrún Þóra Hálfdánardóttir skoraði 7 mörk fyrir Fram og Karen Knútsdóttir var með 6 mörk. Alina Petrache skoraði 10 mörk fyrir Stjörnuna og Harpa Sif Eyjólfsdóttir var með 6 mörk.