Stjarnan lagði ÍR

Stjarnan vann í kvöld þriðja leik sinn í röð í Iceland Express deildinni síðan Teitur Örlygsson þjálfari tók við liðinu.

Stjarnan lagði ÍR naumlega 74-71 og er fyrir vikið komin upp að hlið ÍR og Breiðabliks í 7.-9. sæti deildarinnar.

Jovan Zdravevski skoraði 23 stig og hirti 9 fráköst fyrir Stjörnuna og Justin Shouse skoraði 21 stig og hirti 9 fráköst.

Hreggviður Magnússon skoraði 23 stig fyrir ÍR og Ómar Sævarsson skoraði 9 stig og hirti 19 fráköst.

Tindastóll lagði FSu á Selfossi 77-69. Darrell Flake skoraði 23 stig fyrir Tindastól, Svavar Birgisson 21 og Ísak Einarsson skoraði 13 stig, hirti 8 fráköst og gaf 7 stoðsendingar.

Hjá FSu var Sævar Sigmundsson stigahæstur með 18 stig og Árni Ragnarsson skoraði 15.

Staðan í deildinni