Gengi Straums og Eimskips tók stökkið í Kauphöllinni

Gengi hlutabréfa í Straumi rauk upp um 19,75 prósent í Kauphöllinni í dag. Á eftir fylgdi gengi bréfa í Eimskipafélaginu, sem hækkaði um 17,65 prósent. Þá hækkaði gengi Færeyjabanka um 1,29 prósent og Century Aluminum um 0,62 prósent.

Á sama tíma féll gengi bréfa Bakkavarar um 12,6 prósent og Marel Food Systems um 2,42 prósent. Bréf Össurar lækkuðu um 0,21 prósent.

Gamla Úrvalsvísitalan (OMXI15) hækkaði um 1,43 prósent og endaði í 317 stigum. Ný vísitalan (OMXI6) hækkaði um 2,26 prósent og endaði í 927 stigum.