IE-deild karla: Shouse reyndist gömlu liðsfélögunum erfiður

Þrír leikir fóru fram í Iceland Express-deild karla í kvöld þar sem hæst bar að Stjarnan vann 81-82 sigur gegn Snæfelli. Þá unnu Keflvíkingar 96-54 sigur gegn Fjölni og ÍR vann einnig stórsigur 95-69 gegn Hamar.

Justin Shouse tryggði Stjörnunni sigurinn gegn sínum gömlu liðsfélögum í Snæfelli með því að setja niður tvö vítaskot á lokasekúndunum í hörkuspennandi leik sem endaði 81-82 en Stjarnan var 41-42 yfir í hálfleik.

Shouse var stigahæstur hjá Stjörnunni með 26 stig og 9 stoðsendingar en Jovan Zdravevski kom næstur með 23 stig og 8 fráköst.

Hjá heimamönnum í Snæfelli var Hlynur Bæringsson stigahæstur með 24 stig og 11 fráköst en Sigurður Þorvaldsson kom næstur með 17 stig.

Úrslit:

Snæfell-Stjarnan 81-82

Keflavík-Fjölnir 96-54

ÍR-Hamar 95-69