Umfjöllun: Frækinn FH-sigur í tilefni dagsins

FH vann 33-26 sigur gegn Val í bráðskemmtilegum leik í N1-deild karla í Kaplakrika í kvöld. FH-ingar léku á alls oddi innan vallar sem utan í tilefni af 80 ára afmæli Fimleikafélags Hafnarfjarðar.

Fyrri hálfleik var sannkölluð handboltaveisla fyrir þann mikla fólksfjölda sem var mættur í Krikann í kvöld. Leikurinn var hraður og skemmtilegur og bæði lið voru að skora megnið af mörkum sínum úr hraðaupphlaupum.

Jafnt var á öllum tölum þangað til að stundarfjórðungur var liðinn af leiknum en þá skoruðu FH-ingar þrjú mörk í röð og breyttu stöðunni úr 9-9 í 12-9.

FH-ingar héldu forystunni út hálfleikinn þegar staðan var 20-16. FH-ingar héldu uppteknum hætti í síðari hálfleik og náðu mest níu marka mun þannig að sigur þeirra var aldrei í hættu.

Valsmenn náðu að minnka forskotið aðeins á lokakaflanum en lokatölur urðu 33-26.

FH-ingar sýndu í kvöld að jafntefli þeirra í fyrsta leik tímabilsins gegn HK var aðeins létt misstig og þeir eru til alls líklegir í vetur ef þeir halda áfram að spila með sama krafti.

Tölfræðin:

FH-Valur 33-26 (20-16)



Mörk FH (skot): Bjarni Fritzson 12/3 (14/3), Ólafur Guðmundsson 7 (11), Jón Heiðar Gunnarsson 4 (7), Benedikt Kristinsson 3 (4), Ólafur Gústafsson 3 (8), Örn Bjarkason 2 (3), Sigurgeir Árni Ægisson 1 (1), Ásbjörn Friðriksson 1 (3), Guðmundur Pedersen 0 (1), Reynir Jóhannesson 0 (2)

Varin skot: Pálmar Pétursson 22 (22,50%), Daníel Andrésson 1 (3, 25%)

Hraðaupphlaup: 9 (Ólafur Guðm. 3, Bjarni 4, Sigurgeir Árni, Ólafur Gúst.)

Fiskuð víti: 3 (Örn 2, Jón Heiðar)

Utan vallar: 8 mínútur

Mörk Vals (skot): Ernir Hrafn Arnarsson 6 (12), Gunnar Ingi Jóhannesson 5 (9), Orri Freyr Gíslason 4 (4), Arnór Þór Gunnarsson 4 (8), Fannar Þór Friðgeirsson 4 (10), Sigfús Páll Sigfússon 1 (4), Ólafur Sigurjónsson 1 (4), Elvar Friðriksson 1 (6), Atli Már Báruson 0 (2)

Varin skot: Hlynur Morthens 4 (28/2, 13%), Ingvar Kristinn Guðmundsson 5 (5/1, 50%)

Hraðaupphlaup: 8 (Gunnar Ingi 3, Arnór Þór 2, Fannar Þór 2, Orri Freyr)

Fiskuð víti: 0

Utan vallar: 2 mínútur