Gengi hlutabréfa í Icelandair Group hækkaði um 0,9 prósent í fyrstu viðskiptum dagsins í Kauphöllinni. Þetta er sömuleiðis mesta hækkunin. Á eftir fylgdu Marel, sem fór upp um 0,5 prósent og Færeyjabanki, sem hækkaði um 0,36 prósent.
Bakkavör féll eitt skráðra félaga, eða um 0,51 prósent í einum viðskiptum upp á tíu þúsund krónur. Gengi bréfa í Bakkavör stendur nú í 3,88 krónum á hlut og hefur aldrei verið lægra.
Einungis þrettán viðskipti upp á tæpar 22 milljónir króna hafa átt sér stað í Kauphöllinni það sem af er degi.
Úrvalsvísitalan hefur hækkð um 0,06 prósent og stendur í 659 stigum.
