Jafnt á Emirates í hálfleik

Staðan í leik Arsenal og Liverpool þegar flautað hefur verið til hálfleiks er jöfn 1-1. Leikurinn hefur verið nokkuð fjörlegur en hér er um að ræða fyrri viðureign liðanna í 8-liða úrslitum Meistaradeildarinnar.

Það var Emmanuel Adebayor sem kom heimamönnum í Arsenal yfir með laglegum skalla eftir hornspyrnu. Leikmenn Liverpool steinsofnuðu á verðinum og Adebayor var einn á auðum sjó og skoraði á 23. mínútu leiksins.

Það tók fríska Liverpool menn hinsvegar ekki nema þrjár mínútur að jafna metin. Þar var að verki Hollendingurinn Dirk Kuyt sem potaði boltanum yfir línuna eftir frábæran undirbúining fyrirliðans Steven Gerrard. Hann fór illa með Arsenal vörnina, braust upp vinstra megin í teignum og gaf fyrir á Kuyt sem skoraði.

Leikurinn hefur helt yfir verið nokkuð jafn. Arsenal réði ferðinni framan af en gestirnir létu heldur betur til sín taka þegar líða tók á hálfleikinn. 

Staðan í leik Fenerbahce og Chelsea í Tyrklandi er 1-0 gestunum í vil, en sjálfsmark Deivid á 13. mínútu skilur liðin að.